Pakistan,s Largest Urdu Shayari Site

Shayari, Urdu Sad Shayari, Urdu Shayari, Urdu Poetry

Ghazal Shayari

All type of Ghazal Shayari can be read here. We have huge collection of Urdu Ghazal Shayari for our users who are in search of unique Urdu Ghazal Shayari.

We have Urdu Ghazal Shayari for you.we update Hindi Ghazal Shayari section daily and add new Ghazal Shayari SMS everyday. We have a huge collection of Latest Ghazal Shayari for you to read and enjoy. Ghazal Shayari is in urdu language. All Ghazal Shayari Poetry here is submitted by the users of Ghazal Shayari .

Har tarah k jazbaat ka elaan haiñ Aankheñ,
Shabnam kabhi shola kabhi toofaan haiñ Aankheñ.

Aankhoñ se barha koi tarazoo nahi hota,
Tulta hai bashar jismeñ, wo meezaan haiñ Aankheñ.

Aankheñ hi milaati haiñ, zamaane meiñ diloñ ko,
Anjaan haiñ hum tum, agar anjaan haiñ Aankheñ.

Lab kuchh bhi kaheñ, is se haqeeqat nahi khulti,
Insaan k sab jhootth ki pehchaan haiñ Aankheñ.

Aankheñ na jhukeñ teri kisi gaer k aage,
Duniya meiñ barhi cheez, meri jaan haiñ Aankheñ………

  • 0 Comments
  • Filed under: Ghazal Shayari
  • Usney Phir Mera Haal Pucha Hai,

    Usney Phir Mera Haal Pucha Hai,
    Kitna Mushkil Sawal Pucha Hai,
    Hichkiyon Ka Ajeeb Lehja Tha,
    Baat Ko Taal Taal Pucha Hai.
    Tum Mujhey Chhorr Tou Na Ja’o Gay,
    Wastey Daal Daal Pucha Hai.
    Aansu’on Ki Zuban Mein Usney,
    Jitna Pucha Kamal Pucha Hai.
    Kiya Kabhi Mil Saken Gay Hum Dono,
    Mujh Sey Mera Khayal Pucha Hai.
    Din Guzarta Hai Kis Tarha Mera,
    Kesey Guzray Ga Saal Pucha Hai!k

  • 0 Comments
  • Filed under: Ghazal Shayari
  • Ya Mujhe Afsar-e-Shaha Na Banaya Hota,
    Ya Mera Taj Gadaya Na Banaya Hota..

    Khaksaari Ke Liye Garche Banana Tha Mujhe,
    Kaaash Khak-e-Dar-e-Jaana Na Banaya Hota..

    Nasha-e-Ishq Ka Gar Zarf Diya Tha Mujh Ko,
    Umr Ka Tang Na Paimana Banaya Hota..

    Dil-e-Sid Chaak Banaya To Bala Se Lekin,
    Zulf-e-Mashkeen Ka Teri Shana Banaya Hota..

    Sufion Ke Jo Na Tha Laeq-e-Sohbat To Mujhe,
    Qaabil-e-Jalsa-e-Rindaana Banaya Hota..

    Tha Jalana Hii Agar Douri-e-Saqi Se Mujhe,
    To Chiraag-e-Dar-e-Mai Khana Banaya Hota..

    Roz Maamura-e-Duniya Mein Kharabi Hain_”Zafar”,
    Aisi Basti Ko To Weerana Banaya Hota…….!

  • 0 Comments
  • Filed under: Ghazal Shayari
  • Khuda Se Husn Ne Ik Roz Ye Sawal Kiya
    Jahan Mein Kiyun Na Mujhe Tou Ne La-Zawaal Kiya

    Mila Jawab K Tasveer-e-Khana Hai Dunya
    Shaab-e-darze Aadam Ka Fasana Hai dunya

    Huwi Hai Raag-e-Tagaiyur Se Namudaar Is Ki
    Wohi Haseen Hai,Haqiqat Zawaal Hai Jis Ki

    Kahin Qareeb Tha,Ye Guftagu Qamar Ne Suni
    Falak Pe Aam huwi, Akhtar-e-sehar Ne Suni

    Sehar Ne Tare Se Sun Kar Sunai Shabnam Ko
    Falak Ki Baat Bata Di Zameen K Mehram ko

    Bhar Aye Phool K Ansoo Payam-e-Shabnam Se
    Kali Ka Nana Sa Dil Khoon Ho Gaya Ghum Se

    Chaman Se Routa Huwa Mausam-e-Bahar Gaya
    Shabab Sair Ko Aya Tha, Soogawar Gaya..!!

  • 0 Comments
  • Filed under: Ghazal Shayari
  • Kab tuk tu oonchi awaaz main bole ga?
    Teri khatir kaun dareecha khole ga?

    Apne aansoo apni aankh main rehne de!
    Rait main kab tuk heere moti role ga?

    Aao sheher ki roshaniyan hi dekh aayen!
    Kaun humari khaali jaib tatole ga?

    Laakh mere honton per chub ki mohren hon
    Mere andar ka fankar to bole ga!!

    Dekh woh apni meethi meethi baaton se
    Apna sara zeher tujhi main ghole ga

    Ay soudagar chahat ki jageeron ke!
    Kis mezan main tu is jins ko tole ga

    Mohsin uski narm tabiyat kehti hai!
    Pal do pal woh mere saath bhi ho le ga

  • 0 Comments
  • Filed under: Ghazal Shayari
  • pagal aankhon wali larki!

    pagal aankhon wali larki!
    itnay mehangay khawab na dekho -
    thak jao gi !!
    kanch say nazuk khawab tumharay
    toot gaye to
    pachtao gi !!

    soch ka sara ujla kundan
    zabt ki rakh main ghol jaye ga
    kachchay pakkay rishto.n ki khooshboo ka resham
    khul jaye ga!
    tum kiya jano ?

    khawab , safar ki dhoop kay teeshay
    khawab , adhoori raat ka dozakh
    khawab , khayalo.n ka pachtawa
    khawabo.n ki manzil ruswai !
    khawabo.n ka hasil tanhai !!
    tum kiya jano?

    mehangay khawab khareedna ho.n to
    aankahein baichna parti hain —ya
    rishtay bhoolnay partay hain
    andesho.n ki rait na phanko
    piyas ki oat sarab na dekho
    itnay mehangay khawab na dekho !!

    thak jao gi !!
    pagal aankhonn wali larki
    itnay mahangay khwab na daikho

  • 0 Comments
  • Filed under: Ghazal Shayari
  • Barish ki taiz bondon ny jab dastak di darwazy pr,

    Mehsos hua tum aay ho andaz tumhary jesa tha.

    Hawa k halky jhonky ki jab aahat hui khirki pr,

    Mehsos hua tum aay ho andaz tumhary jesa tha.

    Main tanha chali jab barish me, Ek jhonky ny mera sath dia,

    Main samjhi tum ho sath mere ehsas tumhary jesa tha.

    Phir ruk gai wo barish bi, Rahi na baqi aahat bi,

    Main samjhi mujhy tum chor gay andaz tumhary jesa tha…..

  • 0 Comments
  • Filed under: Ghazal Shayari
  • “O’ BeKhabar Tujhe Kiya Khabar

    “O’ BeKhabar Tujhe Kiya Khabar Teri Aankhon Mein Kaisa Kamaal Hai”,

    “Tujhe Dekh Le Jo Bas ek Nazar Us Ki Aankhon Mein Phir Ye Sawal Hai”,

    “Mujhe Neend Se Kyun Jaga Diya Mujhe Khuwab Kaisa Dikha Diya”,

    “Koi Hoor Hai Koi Noor Hai Ya Koi Saadgi Ki Misaal Hai”,

    “Meri Har Nazar Mein Basa Hai Tu Mere Har Qalam Pe Likha Hai Tu”,

    “Tujhe Soch Lon To Ghazal Meri Na Likh Sakon To Khayal Hai”…!!

  • 0 Comments
  • Filed under: Ghazal Shayari
  • KAHA THA NA KE YUN SOTE

    KAHA THA NA KE YUN SOTE
    HOYE MAT CHOR KE JANA
    MUJHE BESHAK JAGA DENA BATA DENA
    TUMHE RASTA BADALNA HAI
    MERI HAD SE NIKALNA HAI

    TUMHE KIS BAAT KA DAR THA
    MAIN TUMHE JANE NAHI DETA
    KAHIN PE QAID KER LETA

    ARE PAGAL MUHABBAT KI TABIYAT
    ME ZABARDASTI NAHI HOTI

    JISE RASTA BADAL NA HO
    OSE RASTA BADALNE SE
    JISE HAD SE NKALNA HO
    OSE HAD SE NIKALNE SE

    NA KOI ROOK PAYA HAI
    NA KOI ROOK PAYE GA

    TU TUMHE KIS BAAT KA DAR THA

    MUJHE BESHAK JAGA DETE
    MAIN TUM KO DEKH HI LETA
    TUMHE KOI DUA DETA
    KAM-AZ-KAM YUN TU NA HOTA

    MERE SAATHI YE HAQIQAT HAI

    TUMHARE BAAD KHONE K
    LIYE KUCH BHI NAHI BAQI
    MAGAR MAIN KHONE SE DARTA HUN

    MAIN AB SONE SE DARTA HUN
    KAHA THA NA YUN CHOR KE NA JANA

  • 0 Comments
  • Filed under: Ghazal Shayari
  • Honton Pe Hansi Dekh Li Dil ke Ander Nahi Dekha,
    Aap Ne Mere Gahmon ka Samunder Nahi Dekha,
    Kitni khoob Surat Hai ye Duniya ye Dekha hai Aap Ne,
    Jee Jee ke Marney Walo ka Manzer Nahi Dekha,
    Sheeshay ka Makaan Tu Ne Bana to Liya Hai Dost,
    Lekin waqt ke Hath ka Pather Nahi Dekha,
    Rishton ke Tootney ka Dard Tum Kya Jano,
    Wo Lamha Tum Ne Kabhi Jee Kar Nahi Dekha,
    Bhatkey Roshni ki Talash Mein Na jane Kahan Kahan,
    Afsos ke Apni Rooh ke Ander Nahi Dekha…

  • 0 Comments
  • Filed under: Ghazal Shayari
  • eXTReMe Tracker